Најмалку 585 куќи, како и уште стотина други објекти изгореле во пожари кои веќе со денови беснеат во Калифорнија.
Прогласена вонредна состојба
Властите на Калифорнија прогласија вонредна состојба, а илјадници луѓе мораа да ги напуштат своите домови.
Едно лице загина, а 13 илјади се евакуирани
Во овие пожари животот го загуби најмалку едно лице, а 13.000 луѓе се евакуирани. И натаму се загрозени околу 9.000 објекти во област на околу 80 км западно од Сакраменто.
Во гаснењето на пожарот се ангажирани над 2.300 пожарникари, а четворица се повредени.
Пожарот изби во саботата попладне по локално време и се прошири во рок од неколку часа.
