Договорите што ќе се потпишат денеска во Тирана во рамките на иницијативата Отворен Балкан се многу важни, ќе го олеснат протокот на луѓе и работна сила и ќе ги направат земјите учеснички попривлечни за странските инвеститори. Тоа го изјави за РТС претседателот на Србија, Александар Вучиќ.
Вучиќ рече дека овие договори претставуваат „јадро на нешто што ќе создаде овој дел од Европа да биде суштински без граници“.
Во Елбасан синоќа се одржа неформалниот дел од самитот на иницијативата Отворен Балкан, каде албанскиот премиер Еди Рама подготви вечера за своите гости, претседателот на Србија Александар Вучиќ и премиерот на Македонија, Зоран Заев. Свечениот дел од средбата се одржува денеска, кога ќе бидат потпишани повеќе договори.
Според Вучиќ, ќе се потпише договор за телата за акредитација, билатерален договор за овластени економски оператори со Албанија, која Србија ја има година и пол и со Македонија, како и многу договори во областа на ветеринарството и фитосанитарна инспекција.
– Ова е најголемиот чекор во нашата соработка, кој ќе ни донесе многу олеснувања на нашите бизнисмени. Ова го правиме со многу верба бидејќи знаеме дека ќе им олесниме на нашите бизнисмени – рече Вучиќ.
Тој повтори дека би сакал Босна и Херцеговина, Црна Гора и Приштина да се приклучат на иницијативата и нивниот избор, како што рече, е да не учествуваат затоа што тоа го толкуваа како политички игри, јави Бета.
– Преку електронско поврзување ќе почнеме да зборуваме какви попусти ќе имаме на наплатните рампи, какви попусти ќе имаме за граѓаните во хотелите – рече Вучиќ
-Веруваме и знаеме дека ќе им донесе добро на граѓаните на нашите земји и Северна Македонија и Албанија и Србија да го направат тоа со така многу енергија и убедување – рече Вучиќ.
Тој рече и дека мора да зборуваме за енергетско поврзување во регионот, доколку овие земји сакаат да опстанат во иднина.
