Гордана Силјановска Давкова, носителката на пратеничката листа на ВМРО ДПМНЕ во изборната единица еден денеска беше во скопско средно Нерези и Карпош 4 и оттаму вети ред во безредието, закон во беззаконието!
„Три години на самрак на Македонија! Како во поглед на идентитетот и економијата, така и во поглед на моралот. Видете ја програмата на СДСМ во 2016 и се ќе ви стане јасно. Мртво слово на хартија. Нула. Ништо не исполнија. Воспоставија непрофесионална и партиска администрација. Откако ја партизираа, сега ветуваат нејзино кратење. Погодувате од каде ќе почнат? Од неистомислениците!“, рече Силјановска – Давкова.
Според неа, денес неколку семејства, фамилии, управуваат со Македонија.
„Економијата ни е на нула. Во нашата програма ветуваме нови работни места. На прави места прави луѓе. Најдобрите, а не последните да бидат примени. Правичната застапеност не значи некој со помал број поени да биде примен само затоа што е од друга етничка заедница.
Во Ирска само Шин Фејн, политичкото крило, можеше да влезе во парламентот, а не како кај нас, ги соблекоа униформите и добија се.
Ветуваме Обнова на Македонија! Воведуваме ред во безредието, закон во беззаконието!
Мора крај да се стави на ова!“, порача Силјановска – Давкова од скопско Нерези.
