Минатата недела министерот за економија на Србија, Раде Баста на својот Твитер профил објави дека е во посета на Вашингтон. Тој во таа објава посочи дека имал многу корисни средби во американскиот Сенат, особено нагласувајќи ги дискусиите во кабинетот на сенаторот Менендез, пишува српскиот портал Дан.
– Ја завршив посетата на американскиот Конгрес. Многу продуктивни состаноци. Разговорите што ги имав во Сенатот и во кабинетот на сенаторот Менендез ги гледам како можност за воспоставување уште поблиски односи во подобрувањето на севкупната соработка, напиша Баста.
Интересно е што споменатиот сенатор, во чиј кабинет разговарал Баста, е претседател на Комисијата за надворешна политика на Сенатот, а неодамна водеше средба со претставници на Стејт департментот посветена на Западен Балкан.
По тој повод, тој му поставил многу критични прашања на Дерек Шол, кои се однесуваат на српскиот претседател, а со тоа и актуелната состојба во Србија. Така, тој изнесе низа критики за настаните во Србија, спомнувајќи напис од „Њујорк тајмс“ кој многу критички гледа на постапките на Александар Вучиќ. Да потсетиме, овој американски медиум го поврза српскиот претседател со криминални структури. Така, тие изјавија дека во Србија има очигледно кршење на човековите права и слободата на медиумите и сето тоа под водство на актуелниот српски претседател.
Оваа посета само го потврдува пишувањето на „Дан“ дека на Баста играат Америка и Западот.
Имено, неофицијално српскиот министер отпатувал во Америка непосредно пред големиот контра митинг на Александар Вучиќ на итна покана од Вашингтон.
Додека на митингот „Србија на надежта“ мораа да одат речиси сите министри, но и други државни функционери, Раде Баста имаше уште работа.
Доби канонада навреди бидејќи е против насилство
Баста пред неколку дена повторно излезе во јавноста повикувајќи го Вучиќ „да го уапси насилникот кој тепа луѓе на протести и новинари“.
-Претседателе Вучиќ, уапси го насилникот кој тепа луѓе на протести и новинари. Не ни треба граѓанска војна, имаме доволно проблеми. Да живее Србија, напиша Баста на Твитер.
Наместо одговор, Баста доби низа навреди.
Така на овој твит жестоко реагираше претседателот на Извршниот одбор на СНС, Дарко Глишиќ, кој е еден од најпослушните војници на српскиот претседател, кој наводно размислува со главата на Вучиќ.
– Тоа НАТО-вско ѓубре да ја затвори таа црвена и лепрозна уста. Уапсени се тие, а каков крадец е тој, требало и тој и неговата црвена багра да бидат со нив, изјави Глишиќ.
Кога Баста не реагираше, Глишиќ додаде:
– Излези малечка, излези малечка! Што е Раде, мачката ти го изеде јазикот’. Изгледа си јак само во ласкањето на оние што не ѝ мислат добро на Србија. Ако ти недостига сила, јави се на Дачиќ, Палма, сигурен сум дека на помош ќе ти дојдат и Срѓан Миливојевиќ, Мариника Тепиќ. Јави му се на НАТО олошот, рече Глишиќ.
Како што неофицијално дознаваме, Баста не сакал да се расправа со Глишиќ, бидејќи не му обраќал нему, туку на Вучиќ.
Она што е интересно, а што ја придружуваше целата оваа еднострана вербална војна е новиот твит на министерот Баста, кој беше и порака до многумина.
– Посетата на Стејт департментот беше успешно завршена. Би сакал да истакнам дека разговорите беа повеќе од конструктивни. Беше многу корисно да се разменат мислења со претставници на американската администрација – напиша Раде Баста на својот профил на Твитер.
Со овој потег Баста уште еднаш покажа дека не се возбудува, и дека повеќе не крие кои се неговите сојузници.
И на крајот може да се постави прашањето дали Глишиќ или некој друг бил толку бесен што го искористил повикот на Баста да ги уапси насилниците, за да ја извади целата фрустрација поради повеќе од блиската врска меѓу српскиот министер и американски функционери.
Поточно, тој не присуствуваше ниту на контра-митингот, покажувајќи уште еднаш дека е или политички ненормален или храбар или нешто друго. Едно е апсолутно сигурно, а тоа е дека Баста, очигледно, не го интересира дали нешто ќе го налути Вучиќ, ниту да ги „чита“ желбите на српскиот претседател.
Исто така, министерот Баста не отпатува во официјална посета, што значи дека приватно престојувал во Вашингтон.
Како што неофицијално дознава „Дан“ кога српскиот претседател открил дека министерот за економија е во посета на Вашингтон и тоа под приватна режија, во паника му дал наредба на српскиот амбасадор во САД, Марко Ѓуриќ, да дознае сѐ за што се разговарало и со кого Баста се сретнал за време на престојот во Америка.
Едно е сигурно дека со овие потези српскиот министер испраќа јасна порака кој стои зад него, како и кој му го чува грбот.
