Иако вчера беше објавено дека претседател Стево Пендаровски ќе говори одф Мечкин Камен на 2-ри август по повод прославата на националниот празник Илинден како новоизбран шеф на државата, денеска од Владата излегоа со демант дека се работи за недоразбирање. Од таму денеска соопштија дека првпат говор ќе одржи премиерот Зоран Заев, а не шефот на државата.
„Во текот на вчерашниот ден настана недоразбирање во однос на одржувањето на Манифестацијата НКС ‘Десет дена Крушевска Република’, односно преку медиумите беше известено дека претседателот државата Стево Пендаровски ќе присуствува на 2-ри август во Крушево. На 2-ри август на Мечкин Камен во Крушево ќе се обрати премиерот Зоран Заев“, се вели во соопштението од Владата.
Пред две години свој говор од Мечкин Камен имаше Талат Џафери како новоизбран претседател на Собранието, а минатата година се обрати претходниот претседател на Македонија, Ѓорѓе Иванов.
