![zoran zaev](https://i0.wp.com/netpress.com.mk/wp-content/uploads/2021/09/zoran-zaev.jpg?resize=696%2C382&ssl=1)
Премиерот Зоран Заев уверува дека економските политики на Владата давале резултати. Според него, инвестициите, вработувањата и повисоки плати го менувале животот на подобро.
„Инвестициите, вработувањата и повисоките плати го менуваат животот на подобро.
Владата продолжува со посветена работа и добри економски политики за подигнување на животниот стандард.
Економијата бележи историски раст на Бруто домашниот производ од 13,1% во вториот квартал.
Просечната нето-плата во државата континуирано расте и истата по вработен, во јуни 2021 година, изнесува 28.744 денари, што е за 7%, односно за 1.877 денари повеќе во однос на јуни минатата година.
Бележиме историски најниско ниво на стапката на невработеност од 15,9% со тенденција таа дополнително да се намали до крајот на годината.
Успешните економски политики даваат резултати!“, напиша Заев