Четири лица, еден од нив висок службеник на политичката партија, со вербални закани за екипата на ТВ21.
Скандалот се случил во вторникот пред и во објектот на Општина Арачиново, иако ниеден од осомничените не работи во оваа институција. За ова, беше повикана и полицијата да интервенира и го истражува случајот. Екипата на телевизијата била спречена да ја врши својата должност, беше задржана во полиција пет часа, а не се знае дали се земени на распит осомничените.
„Сите да ги избришеш, инаку ти ветувам дека се ќе скршам! Нема да оставам ништо!(другите се смеат). Нека ме затворат, јас не познавам закони!“, Вака ќе ве пречекаат во Арачиново кога се обидете да известувате за проблемите на граѓаните се наведува во прилогот.
Четири лица ја спречиле екипата на ТВ21 која имала намера да ја посети градоначалничката на Арачиново за да добие одговори околу проблемите на граѓаните, но споменатите сакале „на поинаков начин да ги решат работите“.
Посочените лица, како што се гледа на снимките, покажале сила и психичко насилство врз новинарот и снимателот, и се обидоа да „им наредат и да ги науча“ што смеат а што не смеат да прават додека се во Арачиново.
Осомничен 1: „Ти се колнам, сѐ ќе скршам! Никој не смее да зборува нешто лошо бидејќи имам пријатели тука!“.
Осомничен 2: Ајде ќе ги избришат, немај гајле!
Според информациите, ниту еден од осомничените, а ниту политичкиот фунцкионер, не се вработени во општина.
Под закана дека „ќе ја скрши камерата“ и физички ќе го нападне новинарот, овој политички службеник и неговите пријатели ја присилилеа телевизиската екипа, без нивна согласност, да влезат во општинската зграда и да се договорат како да ги избришат изјавите на граѓаните, кои се жалеле за секојдневните проблеми.
Телевизиската екипа била затворена во темна просторија и под психички притисок „затворени“ во општина Арачиново десетина минути. А во канцеларијата продолжила истата реторика и закани.
Осомничен 1: “Каде се, јас ќе ги избришам! Ќе скршам сѐ!
Осомничен 2: Ти се колнам дека тој ќе ги скрши!
Новинарот: Јас треба да одам во телевизија, тие ќе одлучат. Јас имам главен уредник, директор …
Другиот осомничен: Да не згреши па да ги објават . . . овде има еден Ѕ.И. кој ги знае сите работи.
Но, за што се жалеа граѓаните од Арачиново и со какви проблеми се соочуваат? Оние со кои разговарала новинарската екипа сакаат да бидат снабдени со вода 24 часа и сакаат канализација.
„Не, не, немаме вода, ниту канализација. Мириса лошо и не може да се седи на двор или балкон. Каде е канализацијата, нека дојде да ни каже. Пола Арачиново нема вода. Тоа не е вистина. Треба да се работи, како да кажеме да кога нема ништо“, вели жител на Арачиново.
„Пред да ги земат гласовите, даваат сѐ. Потоа се слободни и не работат ништо. Нема ниту вода, ниту патишта, ниту ништо. Немаат работено ништо. Нешто почнале, но и тоа остана така“, додава друг жител на Арачиново.
„Воопшто не е вистина, ништо воопшто. Немаме ниту улици, ниту канализација, а ниту пак водовод. Факт е дека одат и се фотографираат по палати, не знам каде, дека се купени цевките за вода и канализација, но ги нема никаде. Тоа е друга лага, фантазија за нашите Албанци“, вели жител на Арачиново.
„Немаме ниту вода, ниту канализација. Со бунари сме. Не е вистина“, вели жител на Арачиново.
„Жителите на Арачиново немаат вода ниту за пиење. Тоа нека го знаат сите, и Заев и другите, Арачиново го запоставија. Грев е да немаме вода, срамота. Отпад, Арачиново е полно со отпад, да не се фалат дека работеле. Да бев јас во трка за градоначалник, повеќе би градел во Арачиново“, вели жител на Арачиново“.
Поради ваквите изјави, тој вели дека има проблем со жителите на Арачиново.
Осомничениот 1: Сите избриши ги! Тие другите, овој добро зборува, овој добро зборува.
Новинар: Не, не можам да ги избришам!
На крајот, за да бидат сигурни дека екипата на ТВ21 нема да шета низ Арачиново без нивна придружба, две лица, ги принудиле новинарот и снимателот да се качат во нивниот автомобил и да ги превезат до градот.
Штом се вратиле во телевизија, екипата повикала полиција и го опиша инцидентот бидејќи сѐ уште продолжиле заканите, но овојпат преку телефон.
Полициски службеници биле во телевизијата и го документирале настанот. Во меѓувреме, осомничениот му се извинил на новинарот за навредите и заканите. Полицијата, како што вели, го истражува случајот.
Извор: tv21.mk
