Нема жртви и повредени во акцијата за ослободување на заложниците во североисточниот украински град Харков, каде во локалната пошта маж за кој се претпоставуваше дека е вооружен со бомба држеше во заложништво единаесет лица, меѓу кои и две лица, а осомничениот е уапсен, соопшти шефот на националната полиција на Украина, Сергеј Кнјазев.
Во раните попладневни часови по локално време маж под закана со бомба во локалната пошта во заложништво зема единаесет лица. Неговите мотиви сѐ уште не се познати, а полицијата објави дека ја споменувал неодамнешната масовна размена на заробеници меѓу властите во Киев и рускојазичните бунтовници од југоисточните региони при што рекол дека не се разменети сите пленици, но не поставил конкретно барање.
Портпаролот на украинскиот претседател Свјатослав Цеголко по неколку часа соопшти дека се ослободени пет лица, меѓу кои и двете деца, по убедувањата со сторителот. Неколку часа подоцна, пак, претседателот Петро Порошенко соопшти дека се ослободени сите заложници и им се заблагодари на полициските припадници за успешната операција за ослободување.
Други поединости за идентитетот и мотивите на грабнувачот засега не се објавени.
Советникот на украинскиот министер за внатрешни работи Антон Герашченко изјави дека меѓу заложниците биле вработени во поштата и клиенти. Еден од нив успеал од зградата да повика полиција.
„Патролата стасала на местото на кражбата за неколку минути. Ганстерот сфатил дека сега не може сигурно да го напушти местото на злосторството со пленот, па одлучил да земе заложници“, додава Герашченко во објавата на Facebook.
Едно од двете ослободени деца претходно открило за локалните медиуми дека напаѓачот ставил експлозиви во две шишиња и се заканувал дека ќе се разнесе доколку полицијата не го послуша. Според исказот на детето, напаѓачот тврдел дека има рак на мозокот.
Полицијата којашто телефонски во текот на повеќето часови од кризата постојано била во контакт со грабнувачот и соопшти дека тој бил смирен и без барања.
