Хулиганите кои во организација на СДСМ и СОРОС протестираат низ Скопје направија вистински хаос. Тие се однесуваат насилно, кршат се пред себе и дивеат низ улиците.
Искршени прозорци, повредени новинари, демолирани автобуси, нападнати полицајци… Ова е епилогот од насилните протести на СДСМ.
Иако се десет пати помалку на број од граѓаните кои го поддржаа Граѓанското движење за одбрана на Македонија и коишто мирно го изразија револтот против аболицијата на Зоран Заев и Зоран Верушевски, опозициските демонстранти со насилство, кршење и демолирање го покажаа своето вистинско лице.
Хулиганите на СДСМ, организирани и поттикнати од оние кои јавно најавуваат крв на улици и украинско сценарио, како Заев и Верушевски, кршеа се пред себе. Насилно влегоа во Народната канцеларија на претседателот Ѓорѓе Иванов, демолираа автобуси, нападнаа полициски службеници.
Дежурните соросови демонстранти, истите лица кои протестираат постојано во име на СДСМ, со насилство и дивеење покажаа дека немаат искрени намери и дека протестираат за нечии цели.
Од друга страна, поддржувачите на ГДОМ на мирен и достоинствен начин денеска го изразија својот револт, онака како што доликува, со љубов кон татковината, луѓе кои си ја сакат сопствената земја.
Македонија е демократска земја и на МИРЕН протест може да излезе кој сака. Вечерва едната група масовно излезе со свои барања и изјави, а друга покажа дека идејата на Заев и Верушевски за граѓанска војна и украинско сценарио се единственото нешто кое сакаат да го исполнат.
Новинарот на опозициската 24 Вести, кој е дел од сите јавни собири и протести на СДСМ, Огнен Јанески, со насилството на овие протести, се пофали и на социјалните мрежи.
