Австралискиот возач Оскар Пјастри (Мекларен) ја освои најдобрата стартна позиција во саботната квалификациска сесија за неделната трка од Светскиот шампионат во Формула 1 за Големата награда на Бахреин, а во првиот ред ќе му се придружи и Британецот Џорџ Расел (Мерцедес).
Пјастри сосема заслужено стигна до пол-позицијата, бидејќи најбрзиот круг го имаше во вториот и третиот дел од квалификациите. Изгледаше дека Мекларен може да ги има двајцата возачи во првиот ред, но во третиот дел од квалификациите, Ландо Норис беше само шести и заврши во третиот ред со Французинот Пјер Гасли (Алпен).
Монежанецот Шарл Леклер (Ферари) и младиот Италијанец Кими Антонели (Мерцедес) ќе ја започнат неделната трка за бодови од вториот ред.
Актуелниот светски шампион Макс Верстапен (Ред Бул), кој славеше на последната трка во јапонска Сузука, в недела ќе биде на седмата стартна позиција, а во истиот ред е и Шпанецот Карлос Саинц Јуниор (Вилијамс). Зад нив ќе бидат Луис Хамилтон (Ферари) и Јуки Цунода (Ред Бул).
Трката за Големата награда на Бахреин в недела ќе започне во 17 часот по средноевропско време.
По три од 24 трки од овогодинешниот календар на Ф1, Норис е на врвот со 62 бода, само еден зад Макс Верстапен. Оскар Пјасти е трет со 49 поени.
