Фудбалерите на Барселона се пласираа во полуфиналето на Лигата на шампионите, откако Барселона на првиот натпревар дома победи со 4:0, а во реваншот во Дортмунд победи Борусија со недовелните 3:1 (1:0).
Во полуфиналето Барселона го чека победникот од четвртфиналната пресметка меѓу Интер и Баерн. Во првиот натпревар Интер победи со 2:1 во Минхен, а реваншот во Милано е во среда.
Борусија (Д) поведе со 2:0 по двата гола на Серху Гираси, кој реализираше пенал во 11. минута, додека во 49. погоди за 2:0. Барселона намали благодарение на заслугите на домашниот играч Рами Бенсебаини, кој ја погоди сопствената мрежа во 54. минута, а конечните 3:1 ги постави со уште еден гол на Гираси во 76. минута.
Борусија така достоинствено се прости од Лигата на шампионите и вниманието го насочува кон Бундеслигата, каде што сака значително да го подобрат моменталното осмо место на табелата.
Така тимот на Барселона од 2017 година и натаму останува единствениот кој успеал да ја анулира негативата од четири или повеќе голови од првиот натпревар во нокаут фазата од Лигата на шампионите. Тогаш го победија ПСЖ со 6:1 во реваншот, откако го загубија првиот натпревар со 0:4.
Во Дортмунд, Барселона го претрпе првиот пораз во календарската 2025 година. Последен пат моќната каталонска машина беше поразена на 21 декември минатата година кога Барселона беше поразена од Атлетико Мадрид.
Борусија го отвори натпреварот агресивно и веднаш го потисна противникот во неговиот шеснаесетник а го истисна од пред својот. Неколкупати топката опасно танцуваше на три-четири метри од гостинскиот гол, а веќе во 11. минута германскиот тим поведе.
Голманот на Барселона, Војчех Шчесни го собори Грос и беше досуден пенал, кој Гуираси смирено и прецизно го реализираше за водство на Борусија. Екипата од Дортмунд вршеше одличен постојан притисок во текот на првото полувреме, а Барселона беше целосно немоќна да организира опасни напади.
Борусија продолжи да напаѓа, а во 20. минута се закани Бенсебаини, но шутираше директно во Шчесни, додека во 29. се обиде Бејер, но и тој упати само млак удар кон противничкиот голман. Во првото полувреме домашните најблиску до втор гол се доближија во 37. минута кога брзоногиот Адејеми го измами својот чувар и шутираше во поблискиот агол, но и овој обид го спречи голманот на Барселона.
Само двете солидни шанси на Барселона во првото полувреме дојдоа во 30. и 39. минута. Најпрвин искомбинираа Рафиња и Левандовски, но гостите не успеаја ниту да упатат удар кон противничкиот гол, додека во 39. минута Кунде излезе сам пред Кобела, но поуспешен беше домашниот голман.
Од самиот почеток на вториот дел почнаа новите напади на Борусија, слични на оние на почетокот од мечот и повторно многу брзо Барселона капитулираше. Во 49. минута, по изведен корнер, Бенсебаини ја врати топката на подалечната статива кон голот на Барселона, а Гуираси беше највисок во скокот, и со глава погоди за 2:0.
Тогаш зовре атмосферата на стадионот „Сигнал Идуна Парк“, се јавија надежи за чудо, но тоа траеше само неколку минути бидејќи во 54. минута Барселона намали на 1:2. Фермин се проби по десната страна и ја испрати топката кон средната на шеснаесетникот. Бенсебаини во обид да спречи топката да дојде до некој од гостинските напаѓаќи во налет ја зафати топката и наместо да ја расчисти ситуацијата, ја погоди сопствената мрежа.
Потоа продолжи отворената игра, а примениот гол не ги поколеба играчите на Борусија, па Бејер повторно се закани во 59. минута. Сепак, неговиот удар мина покрај голот. Нова надеж за Германците се појави во 76. минута кога Гуираси комплетираше хет-трик и погоди за 3:1. Дуранвил ја уфрли топката во шеснаесетникот, а гостинските играчи не можеа да го решат проблемот. Араухо згреши, невнимателно всушност додаде до Гуираси кој третпат беше немилосрден и прецизен.
Веднаш потоа Борусија го постигна четвртиот гол, кој го постигна Брант, но голот беше поништен поради претходниот офсајд. Борусија се обиде да го искомплицира натпреварот во последните моменти, но не успеа. Четирите гола негатива од првиот натпревар сепак беше преголема.
Фудбалерите на ПСЖ се пласираа во полуфиналето на годинешното издание на Лигата на шампионите, иако загубија во реваншот од четвртфиналето на гостувањето во Бирмингем од Астон Вила со 2:3 (2:1), но бидејќи го добија првиот меч на домашен терен со 3:1, се пласираа натаму со вкупни 5:4.
Парижаните поведоа со 2:0 со головите на Ашраф Хакими во 11. и Нуњо Мендеш во 28. минута, но домашните успеаја да направат пресврт преку Јури Тилеманс во 34., Џон Мекгин во 55. и Езри Конса во 57. минута и дојдоа на само гол до израмнување.
Астон Вила јуришаше кон противничкиот гол од првата минута за да ја намали негативата од првиот меч и веќе имаше шанса во 2. минута, но топката сепак не заврши во мрежата. Од друга страна, фудбалерите на францускиот шампион се ограничија на закани од контранапади, а ваквиот пристап им донесе водство во 11. минута. Баркола побегна по левата страна, уфрли една приземна топка во шеснаесетникот, која Мартинез успеа да ја расчисти со рака пред противничкиот напаѓач, но само до ногата на истрчаниот Хакими, кој не ја пропушти шансата да ја затресе мрежата.
Откако ПСЖ постигна уште еден гол во 28. минута и отиде на вкупно четири гола разлика, се чинеше дека е решено прашањето кој ќе се пласира во полуфиналето. Овојпат Маркињос се впушти во контранапад по десната страна и му ја додаде топката на Дембеле, кој одигра повратна топка за Мендеш, кој со прецизен удар од 16 метри биеше во долниот десен агол на немоќниот Мартинез.
Враќањето на Астон Вила започна во 34. минута кога Тилеманс и Рашфорд одиграа двојно додавање, по што Белгиецот шутираше од 15 метри, а неговиот удар се одби од блокот на парижаните и го измами Донарума. Во 55. минута капитенот Мекгин со одлична соло акција им даде надеж на домашните. Тој започна со топката од својата половина, претрча речиси 50 метри пред да шутира од повеќе од 20 метри, а топката прелета над Донарума и заврши веднаш под гредата.
Тоа беше почеток на најдобриот период од играта за домашните, само две минути подоцна Рашфорд се обиде со удар од 16 метри, но Донарума одлично одбрани и ја одби топката во корнер. Се испостави дека одбраната на Донарума само го одложи голот за неколку секунди, бидејќи Рашфорд по корнер, слаломираше низ гостинската одбрана и ја врати топката до Конса, кој од 10 метри шутираше во блискиот агол.
Три минути подоцна Виља можеше да дојде и до третиот гол за кусо време, но Донарума уште еднаш брилијантно реагираше на ударот со глава на Тилеманс. Голманот на ПСЖ се истакна и во 70. минута кога му го симна „зицерот“ на Марко Асенсио кој излезе сам пред него.
По таа прилика домашните застанаа и не создадоа ниту една шанса за гол која мечот ќе го испратеше во продолжение.
ПСЖ во полуфиналето ќе игра против подобриот од дуелот меѓу Реал Мадрид и Арсенал, кои реваншот го играат в среда, а Арсенал влегува со водство од 3:0.
