Кривичниот суд во Скопје денеска започнува судњето на обвинетите во една од најголемите афери “Шпион”.
На обвинителна клупа ќе седнат 22 лица кои се осомничени и обвинети во акцијата „Шпион“. Меѓу обвинетите е и новинарот Зоран Божиновски кој се товари за изнуда и рекет.
Процесот се води против двајца вработени во Агенцијата за разузнавање, двајца во Управата за безбедност и контраразузнавање, четворица вработени во Министерството за внатрешни работи, тројца во Министерството за одбрана и по еден во Собранието, Државниот архив и како директор на Управата за финансиско работење, се осомничени за шпионажа.
Лицата се сомничат за шпионажа и соработка со странски безбедносни служби на кои им оддавале класифицирани документи со различен степен на доверливост меѓу кои имало и државни тајни.
