Почина Боби Кристина Браун, ќерката на Витни Хјустон, откако речиси половина година беше во т.н. вештачка кома, објави американската новинска агенција „Асошиејтед Прес“, пренесува Нетпрес.
Дваесет и двегодишната Боби Кристина беше единствената ќерка на Витни Хјустон.
Таа била хоспитализирана на 31 јануари, годинава, откако била најдена во бессознание во нејзиниот дом. Нејзиното тело било во када, а главата и била потопена во водата. Полициските власти случајот го завеле како „давење“.
Откако била промена во болница лекарите ја ставиле во вештачка кома и на апарати за дишење.
Според Кристен Фостер, претставник на семејството, Боби Кристина Браун, починала додека околу неа биле најблиските од семејството.
– Таа најпосле најде спокој во рацете на бога. Сакаме да им се заблагодариме на сите за големата љубов и поддршка во изминативе неколку месеци, рекла Фостер.
Витни Хјустон почина на четирисет и осумгодишна возраст во февруари 2012 година и тоа под многу слични околности како и нејзината ќерка Боби Кристина Браун, потестува АП.
