Кога станува збор за варено вино, мора да признаеме дека многу поважна е атмосферата од самиот рецепт. Поради тоа, ако сте во можност прво запалете оган во шпоретот или каминот.
Потребно е: 500 мл црно вино, 200 мл вода, 3 лажици шеќер, половина лажичка цимет и половина лажичка каранфилче, добро расположение и многу пријатели.
Во тенгере ставете 200 мл вода, додадете 3 лажици шеќер, половина лажичка цимет и половина лажичка каранфилче и оставете да проврие.
Кога ќе зоврие додадете 500 мл суво црно вино (или какво што имате) и штом ќе се згрее тргнете го од огнот.
Поканете ги пријателите и почестете ги со варено вино.
