По обработените податоци од повеќе од 99 отсто од избирачките места во општините Охрид и Ново Село, каде што во неделата се гласа и во вториот круг од предвремените избори за градоначалник, одѕивот на гласачите е 21,91 односно 24,14 проценти, покажуваат резултатите на Државната изборна комисија.
Во единствениот избирачки список со право на глас за избор на нов градоначалник на Охрид се запишани 52.303 а до 13 часот правото на глас го оствариле 11.450 гласачи, а во Ново Село 11.365 а досега гласале 2.743 избирачи.
Непречено се одвива изборниот процес и во соседната Општина Дебрца, каде според ОИК до 13.00 часот на гласање излегле 995 лица или 23 отсто од граѓаните со право на глас.
