Србија продолжува да бележи повеќе од 50 зарази со новиот коронавирус на дневно ниво, а во последното деноноќие од 5.470 тестирани лица 59 биле позитивни на Covid-19, покажуваат официјалните податоци на тамошното министерство за здравство објавени во вторникот.
Со уште еден смртен исход од понеделникот во 15 часот до вторникот, Србија од 6-ти март кога беше прогласена епидемијата на коронавирусот, има вкупно 256 жртви на заразата, со процент на смртност од 2,06 отсто.
Во целиот овој период во Србија вкупно се тестирани 313.481 лица, а регистрирани се вкупно 12.426 заразени. Во земјата во моментов има 546 хоспитализирани пациенти, а на респиратори има 15 заболени.
Со ваквата Србија и натаму ја става на листата земји чиишто државјани не можат слободно да влезат во повеќето европски земји и членките на Европската унија.
