Бомбардерот на лондонскиот премиерлигаш Тотенхем, Емануел Адебајор најпосле јавно прозборе за односот и проблемите кои ги имал со сега веќе поранешниот менаџер на популарните “петли”, Андре Вилјаш-Боаш.
“Ми беше многу тешко. Никогаш нема да ја заборавам таа слика. Присуствував на секој тренинг, но од страна ги гледав моите соиграчи, го гледав првиот тим како тренира. Јас не добив шанса да работам со нив. Со таквиот потег, Боаш покажа колку ме цени. Јас сум голем професионалец, чекорев со исправена глва и правев се што ќе беше побарано од мене. Сега сум јас на ред, дојдоа моите пет минути и многу сум среќен. Сакам јавно да им се заблагодарам на моите соиграчи, на стручниот штаб, за укажаната доверба, за дадената шанса да покажам се што знам. Не сакам да ги разочарам сите тие кои веруваа во мене”, изјави репрезентативецот на Того.