Ако уште утре не ги смените протоколите за изолација на контактите со ковид болни и не го намалите времето за изолација на позитивните, на 10 јануари ќе нема кој да работи во државата, ѝ се обрати д-р Нико Беќаровски на Комисијата за заразни болести преку својот профил на Фејсбук.
„Сите ќе бидеме во изолација. Изолацијата на контактите при вака раширен Омикрон е неодржлива и без епидемиолошка оправданост. Задолжителната изолација за позитивните треба да се намали на 7 дена“, смета тој.
Докторот проценува дека ако денес имавме 1.197 позитивни со регуларно направени тестови, сигурно има уште >5.000 кои се самотестирани и >25.000 недијагностицирани.
„Добрата вест е што до крај на февруари ќе направиме колективен имунитет и за 8 март ќе може пак да играте чочеци“, додава тој.
