Независниот кандидат за градоначалник за општина Прилеп, адвокатот Жарко Стеваноски од граѓанската иницијатива „Че вреди”, денеска одржа прес-конференција, на која ги обвини раководните луѓе во СДСМ во Прилеп за вршење притисок и за упатување закани до неговите активисти и кандидати за советници.
Стеваноски објави и снимени разговори, на кои може да се слушне како еден од неговите активисти, поранешен член и претседател на месен комитет на СДСМ, разговара со функционер на Општинската организација на владеачката партија, кој му ветува социјална помош, легализација на куќата, работа и платени сметки, само да се откаже од поддршката за граѓанската иницијатива „Че вреди”.
Презентираните материјали веќе се доставени до претставниците на ОДИХР, а истите ќе бидат доставени и до Државната изборна комисија, Државна комисија за спречување на корупцијата и ОЈО за гонење на организиран криминал и корупција на понатамошно постапување.
Стевановски е поранешен борец против режимот на Груевски. Еве видео до неговата прес-конференција, на која тој ги објавува и снимките:
