Челниците на германскиот фудбалски великан минхенски Баерн бараат од Барселона 70 милиони евра за полскиот напаѓач Роберт Левандовски, пренесуваат во неделата шпанските медиуми.
Барселона претходно седмицава упати и официјална понуда до Баерн за исклучителниот полски голгетер. Се нагаѓаше дека Каталонците нудат околу 40 милиони евра, меѓутоа сега Баварците бараат речиси двојно повеќе.
Левандовски во моментов е на одмор во Шпанија и се надева дека двата клуба ќе постигнат договор околу обесштетувањето за него.
Триесет итригодишниот Левандовски во Баерн дојде во 2014 година од Борусија Дортмунд и во 375 натпревари постигна 344 голови. Во тој период со клубот од Минхен освои 19 трофеи во сите натпреварувања, а договорот со клубот му трае уште една сезона.
