Британската Агенција за контрола на лековите и медицински препарати може да ја одобри употребата на вакцината против коронавирусот која ја развија американската фармацевтска компанија „Pfizer“ и германската биотехнолошка компанија „BionNtech“ веќе на 29-ти ноември, пренесува весникот The Daily Telegraph, повикувајќи се на владини извори.
Според тврдењата на соговорниците на весникот, Националната здравствена служба (NHS) на Обединетот Кралство поради можното скоро одобрение од страна на регулаторот, се подготвува за почеток на вакцинирањето на населението од 1-ви декември.
Планирано е, според изворите од британската влада, прво да бидат вакцинирани лекарите и здравствените работници, вклучително и штитениците на домовите за стари и немоќни лица. Потоа, пишува The Daily Telegraph, во средината на декември ќе започне вакцинирањето на лицата постари од 80 години, а за пред самиот крај од годинава и на лицата постарни од 70 години. Во јануари ќе може да се вакцинира населениеот над 50-годишна возраст. Се очекува дека сите други британски жители ќе може да бидат вакцинирани до пролетта.
Велика Британија е една од најпогодените земји во пандемијата на коронавирусот во Европа, каде што е водечка со повеќе од 55.000 смртни исходи поврзани со заразата со коронавирусот. Од почетокот на епидемијата бројот на вкупно заразените во неделата надмина 1,5 милиони лица.
Претходно во неделата, американскиот имунолог Монсеф Слауи, кој го предводи тимот научници во рамките на државната програма за забрзан развој на препарати против коронавирусот, изјави за телевизијата CNN, дека Американците ќе започнат да ја примаат вакцината против Covid-19 веќе на 11-ти декември. Според него, тоа ќе се случи откако американската Агенција за храна и лекови (FDA) позитивно одговори на барањето за предвремена регистрација на вакцината на „Pfizer/ BioNTech“.
Британскиата влада минатата седмица потврди дека веќе потпишала прелиминарен договор за набавка на 40 милиони дози од вакцината на „Pfizer/BioNTech“, којашто како што беше објавено на 9-ти ноември, успешно ја минала последната трета фаза од масовните клинички испитувања кои покажале речиси 95-процентна ефикасност. За таква ефикасност на нивните кандидати за вакцини објавија истовремено и американската фармацевстска компанија „Moderna“ и московскиот Научен институт „Гамалеј“ чија вакцина „Спутник V“ руските регулатори ја регистрираа уште на 11-ти август, базирајќи се на резултати од вакцинирањето на доброволци и пред завршувањето на финаната фаза од испитувањата.
