Младен Чадиковски во следните 4 години ќе го предводи Здружението на новинари на Македонија.
На изборното Собрание што се одржа денеска во хотелот „Александар Палас” во Скопје, Чадиковски доби најмногу гласови од тројцата кандидати. За него според првичните, нецелосни резултати, гласаа 229 медиумски работници, вториот кандидат Марјан Николовски освои 85 гласови, а третиот Фиљана Кока, 40.
На Чадиковски ова му е втор мандат на чело на ЗНМ.
Претходно кандидатите ги изложија своите програми, осврнувајќи се на главните цели, посочувајќи ги подобрувањето на статусот, стандардот и безбедноста на новинарите и медиумските работници како приоритет.
На изборното Собрание на ЗНМ присуствуваа 456 медиумски работници, најмногу досега.
