Восоката функционерка на Европската агенција за лекови (ЕМА), Криста Виртумер-Хохе, ги повика членките на Европската унија да се воздражат од издавање одобрувања за итна употреба на руската вакцина против Covid-19, додека агенцијата целосно не ја испита нејзината сигурност и ефикасност.
„Потребна ни е документацијата врз основа на којашто ќе можеме да донесеме соодветна процена. Во моментов немаме податоци за вакцинираните лица …, тоа сѐ уште е непознато. Затоа би ги повикала членките на ЕУ засега да не издаваат одобрувањето за вакцината ‘Спутник V’ за итна употреба“, изјави Виртумер-Хохе во неделата вечерта за австрискиот јавен сервис ORF.
Високата претставничка на ЕМА, меѓутоа, не ја исклучи можноста вакцината „Спутник V“ да биде во портфолиото препарати за имунизација во земјите членки на Европската унија.
„Во догледно време, кога ќе бидат проверени и разгледани сите релевантни податоци, ‘Спутник V’ може да биде на пазарот на ЕУ. ЕМА веќе започна со експертизата“, додаде Виртумер-Хохе.
Агенцијата минатата седмица извести дека започнала со прегледот и авторизацијата на руската вакцина, откако претходно тврдеше дека не добила документација и барање за нејзино одобрување во ЕУ, и покрај спротивните уверувања од страна на рускиот производител од пред повеќе од половина месец.
„Податоците кои ни пристигнуваат од рускиот производител ќе бидат прегледани во согласност со европските стандарди за квалитетот, безбедноста и ефикасноста. Доколку сѐ биде во согласност со споменатите стандарди, вакцината ќе биде одобрена и во ЕУ“, рече Австријката во бордот на ЕМА.
Вакцината „Спутник V“ веќе е одобрена или само што не го добила одобрувањето во три земји членки на ЕУ: Унгарија, Словачка и Чешка, а функционери на Унијата известија дека официјален Брисел би можел да ги започне преговорите со произведувачот на вакцината, доколку тоа го побараат најмалку четири земји членки.
Виртумер-Хохе додаде и дека Комисијата за хумани лекови (CHMP) при ЕМА ќе одржи вонредна седница на 11-ти март на која ќе ја разгледа употребата на американската вакцина против Covid-19 на прозиводителот „Johnson&Johnson“ во Европската унија.
„Очекуваме позитивна оцена и веруваме дека Европската комисија многу брзо ќе го одобри употребувањето на оваа вакцина“, изјави високата функционерка на Еврпспката агенција зе лекови.
