Европскиот регулатор би можел од средината на декември да даде одобрување за ставање на пазарот на вакцините против коронавирусот од американската развојна компанија „Moderna“, како и онаа од заедничката соработка на американската фармацевтска компанија „Pfizer“ и германската биотехнолошка комопанија „BioNTech“, рече во четвртокот вечерта претседателката на Европската комисија, Урсула фон дер Лејен.
Европската агенција за лекови (EMA) „секојдневно разговара“ со американскиот регулатор Агенцијата за храна и лекови (FDA) за да ги „усогласата своите процени“ и EMA би можела да „даде условно одобрување за ставање на пазарот на вакцините на Modernа и Pfizer/BioNTech веќе во втората половина од декември доколку без тепкотии ги минат постапките“, изјави фон дер Лејен, челничка на извршното тело на Европската унија по завршувањето на виртуелниот самит на челниците на 27-те земји членки посветен на пандемијата на коронавирусот.
Компанијата „Moderna“ претходно седмицава, а „Pfizer/BioNTech“ една седмица претходно, објавија дека нивната вакцина против Covid-19 има 90 до 95-процентна ефикасност.
Тврдењата за успешноста на двете вакцини ги поттикна надежите во крајот на пандемијата на коронавирусот, која досега однесе 1,3 милиони човечки животи ширум светот но и нанесе тешки штети на националните економии и на секојдевниот живот на луѓето.
Меѓутоа, ќе бидат потребни уште неколку месеци пред да започен широката употреба на вакцината, иако приоритетните групи како што се здравствените работиници во САД ќе ја примат најдоцна до крајот на годината,.
Двете компании повторија дека очекуваат дека до крахот на 2020-та ќе прозиведата 50 милиони дози од вакцината, што е доволно за заштита на 25 милиони луѓе, имајќи предвид дека се потребни две дози. Според најавите, компаниите следната година ќе произведат 1,3 милијарди дози, што би било доволно за европскиот и американскиот пазар.
