Станот на вистинската Кери Бредшоу во голема мера се разликува од станот што имавме можност да го видиме додека ја следевме ТВ серијата „Сексот и градот“. Погледнете ги фотографиите во прилог и запрашајте се дали би сакале да живеет во ваков стан.
Станува збор за далеку поголем, поотмен и полуксузен стан од оној во кој што живееше телевизискиот лик Кери Бредшоу.
Кендас Бушнел, попозната како авторка на книгите и култната телевизиска серија „Сексот и градот“ го продава станот во Њујорк по цена од 2, 65 милиони долари.
Гламурозното уредување на станот во голема мера соодветствува со ликот и делото на Кендас Бушнел која ликот за симпатичната и „луда за чевли“ Кери го креирала на основа на себе си.
Станот има пространа соба за дневен престој, елегантна трпезарија, кујна со ретро детали, тоалети и спална соба во која најголемо внимание привлекува големиот дрвен кревет.
Луксузниот дом во исто време делува и гламурозно и топло, ретро и модерно, додека вешто избраните детали совршено го следат уредувањето и стилот на мебелот.
