СДСМ наместо да се зафати да ги решава проблемите со кои се соочуваат граѓаните на Општина Гази Баба, тие водат дневни ПР активности. Граѓаните на Општина Гази Баба се заборавени и од локалната и од централната власт, порачуваат од ВМРО-ДПМНЕ Гази Баба.
-Наместо да се крие градоначалникот од редовите на СДСМ Борис Георгиевски, му порачуваме конечно после 3 години локална власт да се прошета низ населените места и да ги слушне проблемите но и потребите на граѓаните.
Реалноста е дека граѓани во Општина Гази Баба немаа вода за пиење, најголем дел населени места немаат фекални канализациони системи, хигиената во Општината е на најниско ниво. Додека пак ветените проекти како изградба на градинки во Сингелиќ, Трубарево, Ќерамидница и Инџиково, гасификација на Општината, изградба на училиште во Ченто, спортски центри, решавање на проблемот со депонија во Вардариште, решавање на проблемот со пазарот за стари работи и многу други проекти остануваат само празно слово на хартија. Наместо реализација на ветените проекти, ние секојдневно гледаме како цвета урбаната мафија, како никнуваат нови дивоградби и како од страна на Општината не се превзема ништо по однос на ова, порачуваат тие.
Граѓаните на Општина Гази Баба веќе одамна ја направија разликата и добро знаат кој градел и ја развивал Општината, а кој ги излажал и ги изневерил нивните очекувања.
-Доаѓаат подобри времиња за Општина Гази Баба. Времиња кога проблемите на граѓаните ќе бидат водилка во работењето на Општина Гази Баба, порачуваат од ВМРО-ДПМНЕ Гази Баба.
