Според седмичниот извештај на Институтот за јавно здравје за периодот од 16-ти до 22-ри ноември тестирани се вкупно 19.664 материјали во лабораториите во кои се спроведува молекуларно тестирање за присуство на SARS-CoV-2, што е намалување од 6,3 отсто во однос на претходниот сеудмдневен период.
Истовремено, регистрирани сe 7.486 нови позитивни случаи од 35 градови во државата со незначително зголемување во однос на минатата седмица од 1,8 отсто.
Најголем дел од регистрираните случаи се од Скопје (n=3.255; 43,5 отсто), со неделна инциденца – 535,1 на 100.000 ќители. Во наведениот период, процентот на позитивни од тестирани лица изнесува 38 отсто.
Регистрирани се заболени лица во сите возрасни групи. Најзастапена е возрасната група на лица на возраст над 60 (n=1.818, 24,3 отсто). Голем број заболени се регистрира и кај лицата во возрасните групи од 40 до 49 години (n=1.496; 20 отсто), од 30 до 39 години (n=1.474; 19,7 отсто), од 50 до 59 (n=1.348; 18 отсто) и од 20 до 29 (n=978; 13,1 отсто). Најмал број е регистриран кај децата на возраст до девет години (n=85; 1,6 отсто) и од 10 до 19 години (n=287; 3,8 отсто).
Во однос на дистрибуцијата по пол, пријавени се 3.866 (51,6 отсто) лица од машки и 3.620 (48,4 отсто) лица од женски пол.
