Мултимилијардерот Илон Маск продаде уште 22 милиони акции, во вредност од околу 3.58 милијарди долари од производителот на електрични автомобили „Тесла“. Акциите биле продадени во понеделник, вторник и среда оваа недела, според поднесеното барање до американскиот финансиски регулатор.
Со оваа трансакција, вкупниот број акции што ги продаде Маск во текот на изминатава година е во вредност од речиси 40 милијарди долари.
Причината за најновата продажба на акции не е откриена.
„Тесла“ е една од акциите со најлоши перформанси меѓу големите производители на автомобили и технолошки компании оваа година, бидејќи инвеститорите се загрижени дека купувањето на „Твитер“ од страна на Маск го пренасочува неговото внимание.
Во средата вредноста на акциите на „Тесла“ котирани на технолошки индекс „Насдак“ во Њујорк се затвори под 500 милијарди долари за првпат од 2020 година.
