Претседателот на ВМРО-ДПМНЕ, Христијан Мицкоски во своето гостување емисијата Клик плус зборуваше за законот за амнесија и рече дека ако некој не се согласува со овој закон нека каже и нека си даде оставка.
Во текот на своето обраќање даде објаснување зошто ВМРО-ДПМНЕ не го поддржуваат законот за амнесија.
„Се дава амнестија за тешка телесна повреда, загрозување со опасно орудие при тепачка или караница, против правно лишување од слобода, грабнување, мачење и другo сурово нечовечно или понижувачко постапување и казнување, малтретирање во вршење на служба, загрозување на сигурност, нарушување на непроверливост на домот, злоупотреба на лични податоци, повреда на работа од работен однос, повреда на угледот на Република Македонија, излагање на подбив на македонскиот народ и припадници на заедниците, одземање на малолетник, запуштање и малтретирање на малолетно лице, пренесување заразна болест, неовластано производство и пуштање во промет на наркотични дроги и психотропни супстанци и останато, овозможување на употреба на наркотични дроги, тешки дела против здравјето на луѓето и така натаму, узурпација на недвижности, мачење животни, кражба, предизвикување тешка гражба, безсправно грдење, уцена, измама,лихварство,“ рече Мицкоски.
Во врска со овој закон додаде дека со овој закон за амнесијата излегуваат од слобода помагачите од случајот „Монструм“.
„Со овој закон излегуваат на слобода помагачите од случајот Монструм, вака како што е скроен“, рече лидерот на ВМРО-ДПМНЕ.
Мицкоски порача доколку Ковачевски не се согласувал со овој закон можел на владина седница да каже дека овој закон не го става во собраниска процедура.
„Овој закон дошол на владина седница и на владина седница можел тоа да го постави како прашање, ако бил толку многу загрижен и тогаш можел да каже јас овој закон не го ставам во собраниска процедура додека ова не се тргне од законот“, додаде Мицкоски.
