Осум илјади литри масло за греење биле украдени од Специјалниот завод во Демир Капија, информираше во вторникот портпаролот на СВР Велес, Верољуб Додевски.
Кражбата била пријавена во петокот, на 28-ми септември.
Според писмената пријава од институцијата, маслото за греење било одземено во периодот од 19-ти до 28-ми минатиот месец, од просторијата каде што се сместени котлите за парно греење и резервоарите.
