![stevo pendarovski](https://i0.wp.com/netpress.com.mk/wp-content/uploads/2021/06/stevo-pendarovski-1.jpg?resize=696%2C449&ssl=1)
Претседателот на државата Стево Пендаровски во вечерашното гостување на телевизијата „Сител“ изјави дека не може да каже што разговарал со вселенскиот патријарх Вартоломеј, но оти за деталите од разговорот, го информирал врвот на Македонската православна црква – Охридска архиепископија (МПЦ-ОА)
„Можам да кажам дека станува збор за процедура во која ќе се почитуваат црковните правила, дека Вселенската патријаршија е неспорно органот, кој дава Томос за независност. Дали и кога тоа ќе се случи зависи од нив. Има еден нов момент кој ми го објасни вселенскиот патријарх. Сега СПЦ, од каде доаѓа спорот со МПЦ-ОА, од каде ние треба да се оттргнеме за да добиеме автокефалност, има нов патријарх и во дијалогот треба и тој да биде консултиран. Понатаму, ќе ме разберете, не можам да коментирам“, рече Пендаровски.
Истакна дека со Бугарската православна црква нема проблем, туку постои дамнешниот спор со Српската православна црква.
„Но, она што го знам од врвот на МПЦ-ОА, е дека откога е побарана помош до денес БПЦ нема мрднато со прст да ни помогне“, потенцираше Пендаровски.