Наместо калоричните чоколатца и грицки денеска подговете нешто интересно, слатко и пред се здраво за вашите деца.
Се што ви е потребно се банани, малку јогурт, чоколадни трошки, ореви, мусли…Можете да ставите лешничиња или пак да ги направите со течна чоколада, се зависи од вашата желба.
Излупете ги бананите и пресечите ги на половина. Стапчето за сладолед прободете го во центарот на секоја половинка банана. Натопете ги бананите во јогурт и ставете ги на хартија. Додадете чоколадни трошки, сечкани ореви или мусли преку бананите. Измешајте ги вкусовите, па одреден број нека бидат само со чоколадни трошки, а други во комбинација од вкусови. Готовите банани ставете го во фрижидер на два часа и извадете ги кога ќе биде време за јадење.
