Палестино не си сама, беше порачано во неделата од митингот за поддршка „Црна Гора за Палестина“ којшто се одржа во Подгорица. Од платото пред претставништвото на Обединетите нации во Подгорица, упатена е покана до претседателот на Црна Гора, Јаков Милатовиќ, за, како што рекоа демонстрантите, да го осуди „геноцидот во Палестина“. На состанокот присуствуваа околу илјада луѓе, според процената на медиумите.
„Ситуацијата во Палестина е итна. Гледаме слики од деца кои не можат да прифатат дека нивните семејства исчезнале. Ситуацијата не настана вчера, туку е производ на долгогодишната окупација на Палестина од страна на Израел. Оваа ситуација е геноцид“, изјави Јован Мандиќ, еден од организаторите од Здружението за црногорско-палестинско пријателство.
Собраните на митингот апелираа до владата на Црна Гора да го бојкотира Израел и да воведе санкции за таа земја.
Собирот во Подгорица го организираа студенти и млади од Црногорско-палестинското друштво. На протестот учествуваа неколку стотици граѓани. На митингот беа присутни знамињата на Црна Гора, Палестина, поранешна СФРЈ, како и „Сехара“ – знаме со лилјани (знамето на Босна и Херцеговина до 1998 година), кое се смета за бошњачко обележје.
Слични протести беа одржани и претходните денови во неколку црногорски градови, поточно во Плав, Гусиње, Рожај и Бијела Поље.
