Рускиот претседател Владимир Путин седна зад воланот на еден од неговите претседателски автомобили и лично на египетскиот претседател, Абдел Фатах ел Сиси му покажа како изгледа патеката за Формула 1 во Сочи, пренесува РТ.
Двајцата претседатели вчера по состанокот во Москва отпатувале на Автодромот во Сочи, каде што Путин го провоза ел Сиси со лимузината „Aurus Senat на рускиот автомобилски институт НАМИ од Москва.
Рускиот министер за индустрија и трговија, Денис Мантуров ја искористи можноста на патеката, на која неодамна се одржа трката за Големата награда на Русија, на официјалните лица да им покаже два модели на Нами- лимузината Aurus Senat и комбито Aurus Arsenal, кои се се дел од караванот на рускиот претседател.
За време на демонстрацијата Путин му предложи на египетскиот претседател да не застанат само на разгледување на возилото, туку дека треба и да се испробаат на што се согласи ел Сиси. Рускиот претседател потоа седна на возачкото седиште, а ел Сиси му се придружил на совозачкото место, по што двајцата лидери ја извозеа патеката во Сочи.
