Републиката не ја признава дозираната демократија за „статистички нации”, на кои им се дозволуваат толку права во зависност од тоа колку проценти се, рече кандидатот за претседател Блерим Река на вечарашната средба со жителите на велешкото село Јаблочиште
Не дозволувајте да ве убедат дека дури и по 30 години не треба да гласате за себе. На 21-ви април бидете свои. Не дозволувајте со вашиот глас да ја протерате и последната идеалистичка младина. Сведочете дека не го прифаќате концептот на статистичка нација. Покажете дека не сте само гласачи туку и гласани, рече Река.
Кандидатот за претседател, проф. Блерим Река, денес ја продолжи неговата кампања во Велес и во селата Горно и Долно Јаболчиште, каде се сретна со граѓани.
Во текот на средбата, Блерим Река, дискутираше со граѓаните околу корупцијата, непотизмот и организираниот криминал, како главна причина за губење на довербата на граѓаните и главна причина за масовно иселување од државата.
„Само владеењето на правото во една вистинска Република ќе го искорени управувањето на олигарсите и ќе го врати владеењето засновано на отчетност. Судбината на овој народ не може да остане заложник на поединецот, или било коj да е тој”, истaкна Река.
