Фудбалерите на Монако по серијата добри резултати со кои побегнаа од опасната зона освои само бод пред своите навивачи во саботата вечерта во рамките на 28-то коло од француското првенство.
Клубот од Кнежевството остана непоразен и шести натпревар во низа, има три победи и три ремија.
Водечкиот гол за Монако го постигна капитенот Радамел Фалкао во 48 минута, а Бордо го освои бодот откако Бриан реализираше пенал. Монако сега има 27 бодови со кои е на 17-то место, шест повеќе од Дижон кој е место подолу кое води во квалифкациите за опстанок во лигата. Бордо, пак, е 13-ти со 33 бодови.
Лион испушти голема шанса да триумфира на гости кај Стразбур, откако водеше со 2:0 со головите на Муса Дембеле во 3 и 51 минута. Но во интервал од само една минута, во 69 и 70 минута, преку Ажорке, домашните спасија бод. Лион остана на третото место со 50 бодови, четири помалку од второпласираниот Лил на местото кое води директно во Лигата на шампионите а има и меч помалку, а Стразбур е 9-ти со 38 бодови.
Жуираси во 49 и Пјетер во 64 минута ги постигнаа погодоците во победата на Амјен над Нимс за кој стрелец беше Алиуи во 53 минута. Амјен е 16-ти со 28 бодови, а Нимс е 11-ти со 27 бодови.
Дижон и Ремс постигнаа по еден погодок во првата фаза од мечот и тој резултат (1:1) остана до крајот, гостите поведоа преку Зенели во 9 а домашните израмнија од пенал во 13 минута кој го реализираше Слити.
Водечкиот на табелата ПСЖ не го одигра гостинскиот натпревар кај Нант, поради протестот на движењето Жолти елеци и неможноста „Светците“ да отпатуваат на дуелот.
Во недела играат Монпелје – Анжер, Сен Етјен – Лил, Тулуз – Гинган, Рен – Каен и Марсеј Ница.
