Фудбалерите на Саутемптон ја остварија петтата победа во последните шест првенствени натпревари, совладувајќи го во петокот во осмото коло на англиканската Премир лига на својот терен Њукасл со 2:0 и го преземаа барем привремено првото место на табелата.
Чи Адамс во 7 минута го постигна водечкиот погодок за „Светците“, а конечните 2:0 ги постави шкотскиот играч Стјуарт Армстронг во 82 минута.
Саутемптон е во водство со 16 бодови, колку што има и до вечерва водечкиот Ливерпул со меч помалку и полоша гол-разлика. Трет е Лестер со 15 бодови, додека Њукасл остана на 11 бодови и привремено е на 11-то место на табелата.
Претходно првиот дуел од осмото коло го одиграа Брајтон и Барнли без голови. Со освоениот бод Барнли со сега два бода привремено од последното дојде до претпоследното место на табелата, а Брајтон со шест бодови е на 16-то место.
Во сабота се закажани четири натпревари: Евертон – Манчестер Јунајтед од 13,30 часот, Кристал Палас – Лидс Јунајтед од 16 часот, Челзи – Шефилд Јунајтед од 18,30 часот и Вест Хем Јунајтед – Фулам од 21 часот.
И во недела на распоредот се четири меча: Вест Бромвич Албион – Тотенхем од 13 часот, Лестер Сити – Вулверхемптон од 15 часот, а од 17,30 часот се игра големото дерби меѓу Манчестер Сити и Ливерпул. Колото ќе го заокружи дуелот Арсенал – Астон Вила кој започнува во 20,15 часот.
