При водење љубов, во нашето тело се случуваат многу корисни процеси, што позитивно влијаат како на психичката, така и на физичката состојба.
Сексолозите тврдат дека сексот е корисен пред се за работата на срцето, но се препорачува и „против“ главоболки, оти хормоните кои се ослободуваат при чинот, помагаат телото и умот природно да се опуштат.
Интимните односи помагаат и при несоница. Се смета дека тие ја подобруваат и самодовербата, па лесно е да се заклучи дека се и одличен природен антидепресив.
Некои стручни лица тврдат дека сексот посебно е делотворен и како природен лек против грип.
Тука треба да се додаде и опуштањето на мускулите, сјајната кожа како последица од ослободувањето токсини и многу други придобивки.
