Нашиот предлог за денешниот ручек е вкусна шарска плескавица и одлични колачиња со мед.
Потребно:
500 грама мелено месо
150 грама ситно сечкана сланина
150 грама кашкавал
1 јајце
50 грама презла
2 чешнина лук
2 црвени пиперки
1 лажица ситно сечкан магдоност
1 кромид
Сол и бибер
Зачин
Подготовка:
Зеленчукот и сланината ситно се сечкаат. Потоа, сите состојки се стававаат во подлабок сад и се замесуваат . Од смесата направете плескавици во големина по ваша желба. Ставете ги плескавиците на чинија, покриј те ги со фолија и истите оставете ги во фрижидер 45 минути пред да ги пржите. Можете да ги подготвите и на скара. Послужете ги со помфрит и салата.
Слатки колачиња кои брзо и лесно се подготвуваат.
Потребно:
1 белка од јајца
1/2 чашка мед
1/2 чашка путер од кикиритки
1/4 кафена лажичка цимет
3 чашки овесни снегулки
1/2 чашка стопен путер
1/2 чашка суво грозје
Подготовка:
Уклучете ја рерната да се загрее на 200 степени.
Земете 1/2 чашка од овесните снегулки и смелете ги. Смелените овесни снегулки ставете ги во сад, додајте го циметот и мешајте додека не се соединат.
Мешајте ја белката со миксер или со жица за матење додека не стане пенеста. Додајте го медот, путерот од кикиритки и мешавината од овесни снегулки и цимет. Потоа додадете го стопениот путер и сувото грозје и размешајте додека смесата не се соедини.
Истурете ја смесата во тава за печење која претходно ја обложивте со хартија за печење.
Печете 25 минути. Извадете ја тавата од рерната и оставете ја да се олади 5 мин. Со остар нож, исечете на 12-16 парчиња. Вратете ја во рерната и печете уште 15 мин на температура од 150 степени. Декорирајте ги по желба. Одлични се со топло млеко.
