Дафина Стојаноска, член на Извршниот комитет на ВМРО-ДПМНЕ и пратеник во Собранието вечерва во „Само вистина“ во Канал 5 телевизија, во врска со денешното обелоденување на документи за набавката и провизии за кинеските вакцини, порача дека институциите мора да постапат во овој случај и по сите останати случаи за кои се молчи.
„Месечно имаме околу илјада починати, жртви или бројка на починати која е многу поголема можеби од состојба на војна, министерот за здравство би го нарекла како воен профитер за овој криминал за кој претседателот Мицкоски извади документи, каде се посочува дека се уплатени тие 7,8 милиони евра“, рече Стојаноска.
Посочи дека во земјата владее состојба во која илјадници луѓе ни умреа од Ковид кризата и во состојба во која имаме повеќе од четири месеци доцнење од започнувањето на вакцинацијата, Македонија е земја која бележи најголем број на починати, а најлошо се справува со вакцинацијата.
„Мислам дека треба да се плаши тој за кого се зборува дека извршил криминал, а институциите треба да си поведат постапки и не само за овој случаи, туку за многу случаи за кои се молчи, а има случаи за кои се вели дека нема криминал, а се докажува спротивното, така беше и со случајот со Рашковски, за кој Заев велеше дека нема криминал со софтверот, а сега се терети за криминал, а тоа е можеби обид за прикривање на криминал или вмешаност за криминал“, рече Стојаноска.
