Сложено име за севкупна употреба, но и бришење на „агресивниот дух кон Грците“ од Уставот, учебниците и секојдневниот живот во соседната земја, се позициите на лидерот на партијата Потами (Река), Ставрос Теодоракис за прашањето за името.
Во интервју за грчката телевизија SKAI Теодоракис вели дека неговата партија, како и Движењето за промена, во кое членуваат Река, заедно со ПАСОК, сакаат да сакаат да се реши проблемот, „затоа што не е толку голем колку што го претставуваат“. Меѓутоа, тој поставува и одредени предуслови за решение.
„Едно сложено име за севкупна употреба, паралелно со конкретни обврски од нашите соседи дека ќе има бришење во нивниот Устав и во учебниците. Многу инсистирам на учебниците затоа што тие ја градат свеста, дека од нивното секојдневие, од нивната култура, ќе се избрише овој агресивен дух кон Грците и кон грчката Македонија“, вели Теодоракис.
Лидерот на Река одби директно да одговори каква ќе биде позицијата доколку договорот дојде во грчкиот Парламент. Гласањето, според него, ќе зависи од самиот предлог и што тој точно ќе содржи, збор по збор, јави диписникот на МИА од Атина.
