Претседателот на САД, Доналд Трамп, и се нафрли на тинејџерката активистка Грета Тунберг, откако беше прогласена за личност на годината од списанието „Тајм“.
Тој на Твитер напиша дека таа треба „да работи на нејзиниот проблем со контролата на гневот“.
Американското списание ја пофали Грета за започнување на далекусежна кампања што се претвори во меѓународно движење за борба против климатските промени.
Сепак, Трамп не се согласува со одлуката на магазинот „Тајм“ и го коментираше на Твитер дека овој потег е „смешен“, според „Индипендент“.
“Навистина е смешно. Грета треба да работи на својот проблем со контролата на гневот, а потоа да оди на кино со пријателите за да гледа некој стар, добар филм. Смири се, Грета”, напиша Доналд Трамп на Твитер.
So ridiculous. Greta must work on her Anger Management problem, then go to a good old fashioned movie with a friend! Chill Greta, Chill! https://t.co/M8ZtS8okzE
— Donald J. Trump (@realDonaldTrump) December 12, 2019
Грета Тунберг не му одговори директно на Трамп, но во описот на својот профил на Твитер напиша дека е „тинејџерка која работи на нејзиното прашање за контрола на лутината и во моментот се смирува за да гледа стар, добар филм со една пријателка“.
Ова е втор пат претседателот на САД да ја критикува Тунберг, на која и е дијагностициран синдром на Аспергеров, поради нејзината емотивна состојба.
Во септември, Грета беше на истиот настан како Доналд Трамп во ООН и налутено им порача на сите светски лидери дека „никогаш нема да им прости“ што не успеале да преземат акција против климатските промени за идните генерации.
Greta claps back – subtly, of course – in her Twitter bio pic.twitter.com/VrR6kvvzeV
— Lauren Gambino (@laurenegambino) September 24, 2019
Трамп последователно напиша на Твитер: “Таа изгледа како многу среќна млада девојка, која со нетрпение очекува светла и прекрасна иднина. Тоа е убаво да се види.”
По тој коментар на претседателот Трамп, Грета го смени својот опис на Твитер во – Многу среќна млада девојка која со нетрпение очекува светла и прекрасна иднина.
