Тулуз и Ница ги поделија бодовите во петокот вечерта во првиот дуел од деветтото коло на францускот првенство откако одиграа 1:1, а на секој од противниците му припадна по едно полувреме.
Гостите во водство ги донесе Сфафро во 29, а за домашните израмни Досеви во 54 минута. Тулуз привремено е на седмото место 13 бодови, додека Ница е десетта со 11 бодови. На табелата води Пари Сен Жермен со максималните 24 бодови, додека вториот Лил има осум бодови помалку.
Во сабота се играат четири средби, и тоа Лил – Сен Етјен, Гинган – Монпелје, Ним – Стад Рем и Амиен – Дижон, а во недела се среќаваат Бордо – Нант, Марсеј – Каен, Монако – Ренс и дербито ПСЖ – Олимпик Лион.
