Владата на Турција одлучи да ја блокира социјалната мрежа „Твитер“, два дена по самоубиствениот напад во Суруч, каде загинаа 32 луѓе а повеќе од 100 беа повредени.
Истовремено, Агенцијата за информатички и комуникациски технологии наведе дека не е поврзана со оваа блокада, како и дека ќе се бори за нејзино укинување.
Оваа забрана на „Твитер“ не е ништо ново во Турција, бидејќи неколку пати до сега на иницијатива на претседателот Реџеп Таип Ердоган беше блокиран пристапот до одредени друштвени мрежи.
