УЕФА ги соопшти имињата на 10. играчи кои ќе се борат за признанието најдобар играч во Европа за изминатата сезона. Новинарите од 55 земји членки на европската куќа на фудбалот ги одбраа своите фаворити, а УЕФА поладнево ги обелодени десетмината кои добиле најмногу бодови.
За признанието најдобар во Европа во сезоната 2015/16 ќе се борат:
- Герет Бејл (Реал Мадрид/Велс)
- Џиџи Буфон (Јувентус/Италија)
- Антоан Гризман (Атлетико Мадрид/Франција)
- Тони Крос (Реал Мадрид/Германија)
- Лео Меси (Барселона/Аргентина)
- Томас Милер (Баерн Минхен/Германија)
- Мануел Нојер (Баерн Минхен/Германија)
- Пепе (Реал Мадрид/Португалија)
- Кристијано Роналдо (Реал Мадрид/Португалија)
- Луис Суарез (Барселона/Уругвај)
На 5. август ќе бидат познати тројцата финалисти, а Најдобриот играч во Европа ќе биде прогласен на 25. август на ждрепката за групната фаза од Лигата на Шампионите.
