Украина ѝ нуди на Белорусија да потпише договор за ненапаѓање, додека истовремено обучува милитанти кои претставуваат потенцијална закана за националната безбедност на Белорусија, изјави во вторник белорускиот претседател Александар Лукашенко.
„Не знам зошто им треба ова на Украинците. Од една страна, тие бараат од нас да не се бориме против Украина под никакви околности, да не ги преместуваме нашите сили таму. Ни нудат да потпишеме пакт за ненапаѓање. Од друга страна, ги вооружуваат милитантите “, рече Лукашенко за време на состанокот за социјалната и политичката ситуација и криминалот во републиката, пренесе БелТА.
Лукашенко смета дека „Полска и Литванија, во меѓувреме, целосно полудеа“.
„За што им треба тоа создавање закани? Немам поим. Затоа мора цврсто да одговориме“, рече тој. „Имаме доволно проблеми на нашиот периметар – и во воздушниот простор и на земјата, таканаречената зелена граница. Имаме доволно проблеми таму. Бог нека ни помогне да го издржиме сето тоа“, рече белорускиот претседател.
