Непознат маж утрово ја нападнал колоната на американскиот претседател Џо Бајден во Брисел. Инцидентот, кој го снимиле и камерите, се случил околу 9 часот и 40 минути.
Полицијата веднаш го совладала и го уапсила човекот кој го фрлил шишето во правец на колоната. Напаѓачот наводно бил во алкохолизирана состојба.
– Маж кој бил во алкохолизирана состојба фрлил шише кон колоната на претседателот на САД, Џозеф Бајден. Успеавме да го запреме шишето пред ударот – изјави портпаролот на полицијата.
Earlier today, an unknown guy throws a glass bottle at Joe Biden’s caravan in Brussels, later he was arrested. pic.twitter.com/c4qZDeANfJ
— Real Mac Report (@RealMacReport) March 24, 2022
Да потсетиме, поради посетата на Бајден, жителите на Брисел беа предупредени дека ќе се применуваат вонредни безбедносни мерки повеќе од вообичаено за самите лидери на ЕУ или за посети на други светски претставници, вклучително и врвни државници на Кина и Русија.
Бајден во средата вечерта пристигна во Брисел, а денеска е дел од самитите на лидерите на НАТО, Г7 и ЕУ.
Тој ќе биде во Брисел од среда навечер до петок наутро, закога беше најавено заминувањето на американскиот претседател за Полска.
