Tринаесет лица се повредени во експлозијата којашто одекна во петокот попладнето во центарот на француски Лион, во блиината на плоштадот Белкур, едно од најпосетуваните места во градот.
Францускиот претседател Емануел Макрон изјавии дека, за среќа, во експлозијата нема загинати. Бројот на повредени постојано се зголемува, а меѓу повредените е и осумгодишно момченце.
Според телевизијата BFMTV, пакет експлодирал во 17,30 часот по локално времем во близина на пекарница на пресекот на улицата Виктор Иго и улицата Сала. Онлајн изданието на весникот Le Progres пишува дека експлозивната направа била сокриена во торба заедно со завртки и метални делови.
[#Lyon] #AppelÀTémoins pour retrouver l’homme suspecté d’être l’auteur de l’attentat.
Si vous avez des informations, appelez le 197. #AidezNous, votre témoignage peut être déterminant. pic.twitter.com/HcPc43nl9d— Police nationale (@PoliceNationale) May 24, 2019
Од снимките направени од камерите за надзор се гледа дека експлозивната направа ја оставил засега неидентификуван маж кој возел велосипед. Полицијата трага по него. Во извештајот на BFMTV, осомничениот е на возраст меѓу 30 и 35 години, носел црн џемпер , светлио бермуди и носел темни очила.
Полицијата го блокираше местото на инцидентот, а локалните власти предку Twitter го повикуваат населението да ја избегнува областа поради безбедносни прилини.
Според порталот FranceInfo, истрагата ја започнало антитерористичкото обвинителство. Од друга страна, претседателот Макрон истакна дека е премногу рано да се извлекуваат какви и да се заклучоци за настанот.
