Новиот бран зарази со коронавирусот во Франција, поттикнат од новите варијанти, би требало својот врв да го досегне кон крајот на јули, изјави во четвртокот највисокиот советник на француската влада за наука Жан-Франсоа Делфреси.
„Пикот сѐ уште не е тука, врвот на заразите веројатно ќе биде кон крајот на јули. Тогаш повторно ќе се појави подваријантата BA.5, доколку не биде потисната од друга варијанта … на есен“, изјави Делфреси за радиото RTL.
Франција забележала 124.724 нови зарази со коронавирусот во изминатите 24 часа, што е зголемување во однос на 77.967 случаи забележани минатата седмица.
Француската влада оваа седмица препорача повторно носење на маските на местата на коишто престојуваат многу луѓе, особено во јавниот сообраќај, поради справување со последниот пораст на коронаинфекциите.
