Првиот потпретседател на Владата на Србија, Александар Вучиќ ќе ја понесе титулата личност на годината во регионот, пренесува „Вечерње Новости“.
„Независне новине“ веќе неколку години избираат личност на годината, а претходно оваа награда им припадна и на Новак Ѓоковиќ, Мило Ѓукановиќ и Иво Јосиповиќ.
Признанието ќе му биде врачено во понеделник.
Пред свечената церемонија ќе се одржи и петтата заедничка седница на Владата на Србија и Република Српска.
Планирано е и премиерите Ивица Дачиќ и Жељка Цвијановиќ да потпишат Меморандум за бизнис-техничка соработка.
